Koronavirusi: Në Serbi 6 mijë e 890 të infektuar -130 të vdekur

Në Serbi në 24 orët e fundit janë regjistruar 260 të infektuar me koronavirus dhe pesë persona kanë vdekur. Në këtë vend deri më tani nga Covid-19 janë prekur 6mijë e 890 persona, ndërsa janë shënuar 130 vdekje. Që nga fillimi i epidemisë, janë testuar 45.355 persona, nga të cilët 3.543 në 24 orët e fundit. Janë 3,660 pacientë në trajtimin spitalor, 101 prej tyre në respirator. Deri më tani, 977 njerëz llogariten si të shëruar në Serbi. Ministri i Shëndetësisë së Serbisë, Zlatibor Lonçar tha se "duhet të mësohemi të jetojmë me virusin koronar'. "Është e nevojshme të vendosni një maskë, veçanërisht në ambiente të mbyllura, për t'i mbajtur kontaktet në një distancë të sigurt dhe të kujdeseni për higjenën dhe larjen e rregullt të duarve", theksoi ai, raporton Danas, transmeton Klan Kosova.