Nga 1 tetori ka filluar aplikimi i lehtësimeve doganore në Portin e Durrësit, si pjesë e marrëveshjes Tiranë-Prishtinë.
Kjo i bie se të gjitha mallrat që kalojnë andej, mund të zhdoganohen në zyrën e doganierëve kosovarë në atë port, njofton Klan Kosova.
E për ta parë këtë zhvillim nga afër, të martën buzë detit shkoi ministri i financave në Prishtinë, Hekuran Murati, që u prit nga homologia shqiptare, Delina Ibrahimaj.
Të dy thanë se kjo marrëveshje është e jashtëzakonshme, sepse përveç që ndikon në shkurtim të kohës, ulë shpenzimet edhe për bizneset.
Zhdoganimi i mallrave me destinacion Kosovën ka filluar të aplikohet nga 1 shtatori edhe në Porto Romano.
Ndërsa, dy shtetet u shprehën të gatshme të merren vesh edhe për lehtësime tjera të barrierave tregtare mes vete.
https://www.youtube.com/watch?v=RcGbMqndTV8
●●●
NSHKRIMI NGA
NP
Editorial nga Klan Kosova — ndjek video lajme dhe zhvillimet e tjera kryesore të vendit.
