Kosova dhe Shqipëria bashkëpunojnë në badminton, kosovarët ua bëjnë sefte garave ndërkombëtare

Organizuar nga Federata e Badmintonit e Shqipërisë dhe mbështetur nga Federata Europiane e Badmintonit, në qytetin e Korçës për disa ditë u organizua projekti regjional për sportin olimpik të badmintonit. Pjesëmarrës në këtë trajnim ishin edhe 6 lojtarët dhe lojtaret më të mira të Kosovës për grupmoshat U-13 dhe U-15, së bashku me përzgjedhësin e Kosovës për këto grupmosha, Afrim Morinën dhe ndihmësin e tij, Lulzim Hazirin. Në fund të këtij trajnimi u organizua edhe turneu ndërkombëtar i badmintonit - ku morën pjesë Kosova, Shqipëria, Maqedonia Veriore dhe Rumania - në të cilin garuesit kosovarë korrën suksese.   Kategoria U-13 për vajza Sumeja Morina - vendi i parë Arianita Morina - vendi i dytë   Kategoria U-15 për djem Diar Gllareva - vendi i dytë   Kjo ishte hera e parë që garuesit kosovarë morën pjesë në gara ndërkombëtare.   Në ambientet e Grand Hotel Palace në Korçë u nënshkrua edhe memorandumi i bashkëpunimit midis Federatës së Badmintonit të Shqipërisë dhe Federatës së Badmintonit të Kosovës. Memorandumi u nënshkrua nga dy presidentët, ai i FBSH-së, Bardhi Lavdari dhe i FBK-së, Jeton Nebiu. Ky memorandum do ta ndihmojë bashkëpunimin midis dy federatave për ngritjen e cilësisë dhe të masivizimit të këtij sporti olimpik në dy shtetet tona. Federata e Badmintonit e Kosovës është anëtare me të drejta të plota e Federatës Botërore të Badmintonit.     [caption id="attachment_1092227" align="alignnone" width="640"] Presidentët e federatave - Bardhi Lavdari (Shqipëri) dhe Jeton Nebiu (Kosovë) - nënshkruajnë memorandum bashkëpunimi . [/caption]     https://klankosova.tv/kosova-pranohet-ne-federaten-boterore-te-badmintonit/