Kosova do të zhvillon ndeshjen ndaj Italisë, në Ping Pong për kampionatin Evropian

Kosova si nikoqire do të zhvillojë ndeshjen e fundit ndaj Italisë, në kuadër të fazës së parë të Kampionatit Evropian të Ping pongut rrethi i gjashtë, " European Table Tennis Championships 2018-2019 ". Në palestrën e Ping pongut në Pallatin e Rinisë dhe Sportit, në Prishtinë do të ballafaqohet me pingpongistët nga Italia, e cila kryeson grupin B2. Kosova, Italia, Izraeli dhe Norvegjia janë në grupin B2. Selektori Yll Bislimi përsëri i ka përzgjedhur talentët, Fatih Karabaxhakun, Kreshnik Mahmutin, si dhe Mentor Shabanin dhe Baton Çitakun, për këtë sfidë të radhës për Kosovën. Unioni Europian i Pingpongut (ETTU – European Table Tennis Union) ka caktuar gjyqtarin slloven, z. Matija Krnc, refer ndërkombëtar, për të mbikëqyrë ndeshjen Kosova-Italia. Ndërsa drejtësinë do ta ndajnë dyshja kosovare me licencë ndërkombëtare, Alban Hoxha dhe Shefqet Jashari, njofton Federata e Ping Pongut e Kosovës, përcjellë Klan Kosova. Ndeshja do të zhvillohet me datën 4 dhjetor, ( e martë), me fillim nga ora 18:00.