Kosova ia kërkon Hungarisë serbin e dyshuar për krime lufte, atij i caktohet edhe një seancë (VIDEO)

Vendimi për qëndrim një mujor në burgun e Hungarisë e pati të konfirmuar nga Gjykata e Budapestit. Por, serbit me inicialet S.S i cili dyshohet për vrasjen e 33 civilëve në Pejë gjatë luftës, masa e paraburgimit iu krye të shtunën e 26 nëntorit. Gjykimit i tij planifikohej të bëhej në Kosovë, por nëse kjo do të ndodh nuk e tha ministrja e drejtësisë, Albulena Haxhiu. Megjithatë, televizioni jozyrtarisht ka mësuar se për ekstradimin e të dyshuarit për krime lufte, Ministria e Drejtësisë tashmë ka dërguar në Hungari dokumentet e nevojshme. Ndonëse jo për rastin konkret, nga Prokuroria Speciale konfirmuan se në përgatitjen e dosjeve kontribuojnë edhe këta. Të dhënat për rastin nga organet hungareze të drejtësisë thanë se do t'i shqyrtojnë në një seancë të veçantë. “Ju njoftojmë se Gjykata Metropolitane e Budapestit nuk ka vendosur ende për çështjen e ekstradimit. Së shpejti do të caktohet një datë e re e gjykimit”, kanë deklaruar për Klan Kosova nga Gjykata. https://www.youtube.com/watch?v=2E9BuUaQn4Y