Kosova kualifikohet në ‘Main Round’ pasi mposhti Andorën në Futsall

Përfaqësuesja e Kosovës në futsall ka mposhtur Andorën në kuadër të para kualifikimeve për Kampionatin Botërorë ‘Lituania 2020’. Me këtë fitore Kosova e ka siguruar pjesëmarrjen e saj në rrethin e ardhshëm kualifikues ‘Main Round’, transmeton Klan Kosova. Pas fitores kundër Norvegjisë, kosovarët mposhtën edhe Andorën, me rezultat 3:1, kështu duke i mbyllur garat e Grupit B të para kualifikimeve në Minsk të Bjellorusisë me gjashtë pikë. Presidenti Agim Ademi ka përgëzuar të gjithë lojtarët, shtabin teknik në krye me Ramadan Cimilin dhe përgjegjësit e futsallit për këtë sukses, duke uruar për suksese tjera. "Ju lumtë djema. Vazhdojmë sivjet me suksese tjera nën moton ‘krenari dhe përgjegjësi".

klankosova.tv