Kosova mbetet pa medalje në kampionatin botëror të xhudos

Ekipi i Kosovës në xhudo ka mbetur pa medalje në Kampionatin Botëror që u zhvillua në Doha të Katarit. Kosova në këtë garë u përfaqësua nga shtatë xhudistë, por që asnjëri prej tyre nuk arriti të ngjitej në podium, ose të siguronte medalje. Suksesin më të mirë e arriti kampionia olimpike Distria Krasniqi, e cila u rendit e pesta, duke fituar 720 pikë olimpike Paris 2024. Ndërsa, kampionia olimpike, Nora Gjakova u rendit e shtata në këtë garë. Në vendin e shtatë u rendit edhe Laura Fazliu, duke fituar 520 pikë olimpike.