Kosova me dy festivale ndërkombëtare në CIOFF - partner zyrtar në UNESCO

Komuna e Vitisë të shtunën ka njoftuar se në Kongresin Botërorë të Këshillin Ndërkombëtar të Organizatave (CIOFF), në Sofje të Bullgarisë, çertifikuar dhe njohur nga CIOFF, dhe janë futur në kalendarin zyrtar botëror të këtij kongresi edhe dy festivale nga Kosova:

1. International Folklore Festival Dance and Rites “N’Karadak Krisin Tupanat”;
2. International Folklore Festival “NINULLA”.

Me këtë rast, presidenti i Këshillin Ndërkombëtar të Organizatave (CIOFF) për Kosovë, Arsim Abazi, ka thënë se ky rezultat vjen falë punës dhe angazhimit të vazhdueshëm të drejtorit, Këshillit Organizativ dhe vullnetarëve të SKOFF dhe AKV “Kemajl Azizi”. "Me qëllim të ruajtjes së trashëgimisë kulturore dhe promovimit të saj, Kosova do të jetë nikoqire në organizimin e dy festivaleve botërore, duke mirëpritur qindra artist nga e gjithë bota", tha ai.