Kosova mëson kundërshtarët e kualifikimeve për evropian në pingpong

Është hedhur shorti për fazën grupore të kualifikimeve për Kampionatin Evropian 2021. Shorti për këtë ngjarje është hedhur në të dyja konkurrencat, atë të meshkujve dhe të femrave. Në konkurrencën e meshkujve, Kosova do të jetë në grupin F, së bashku me Luksemburgun dhe Izraelin. Ndërsa në atë të  femrave, rivalët e Kosovës do të jenë Kroacia, Finlanda dhe Ishujt Faroe, që garojnë në grupin A. Kampionati Evropian i Pingpongut do të mbahet gjatë muajit shtator në Cluj Napoca të Romanisë.