Kosova, ndër shtetet më mikpritëse në Evropë

Megjithëse Kosova është i vetmi vend në rajon që nuk e gëzon liberalizimin e vizave, ajo mbetet si një ndër vendet më mikpritëse të Evropës. Sipas një hulumtimi të Passport Index, vetëm Armenia del që është më mikpritëse se Kosova në kontinent, shkruan Klan Kosova. "Në Evropë, vendi më mikpritës është Armenia, e cila mban rregulla të lehta të vizave për udhëtarët nga 135 vende, duke e vendosur atë në vendin e 26-të në tabelën e përgjithshme". Kosova ua ofron këtë mirëseardhje 109 vendeve, ndërsa Moldavia 103. Shumica e vendeve evropiane janë pak më të rrepta, duke ofruar mirëseardhje pa viza për 92 vende. 35 shtete në Evropë ndodhen në vendin e 45-të në mes të tabelës. Kjo është për shkak të rregullave të zonës Shengen. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

klankosova.tv