Kosova në Panairin e Librit në Leipzig 2025

Në Panairin e Librit në Leipzig 2025, Biblioteka Kombëtare do të prezantohet me një program të pasur dhe tituj të shumtë të botimeve të reja në Kosovë. Nën moton "Fjalët Lëvizin Botët" të Panairit të sivjetëm të Librit në Leipzig 2025, Biblioteka Kombëtare e Kosovës do të prezantojë letërsinë e autorëve të shquar kosovarë, duke promovuar kulturën shqiptare dhe krijimtarinë letrare nga Kosova në një skenë ndërkombëtare. Sipas një komunikate për media nga ana e Bibliotekës, kjo letërsi, me historinë dhe diversitetin e saj të pasur, vazhdon të dëshmojë fuqinë e fjalës si një mjet identiteti, kulture dhe fryme krijuese. Përpos mbi 100 titujve të përzgjedhur të cilët do të ekspozohen në panair, Biblioteka Kombëtare e Kosovës ka përgatitur materiale të tjera promovuese për stendën e Kosovës, duke përfshirë: -Katalogun e autorëve shqiptarë nga Kosova: Ky katalog, në Panairin e Librit në Leipzig 2025, paraqet një përzgjedhje të autorëve shqiptarë nga Kosova, të cilët përfaqësojnë breza dhe gjini të ndryshme letrare, nga poezia dhe proza te studimet letrare dhe dramaturgjia. Autorët e përfshirë në këtë katalog vijnë nga Kosova dhe diaspora, duke pasuruar mozaikun e letërsisë shqipe me perspektiva të ndryshme artistike dhe tema universale. Veprat e tyre eksplorojnë historinë, kujtesën, identitetin, përvojën e migrimit, dashurinë, sfidat shoqërore dhe filozofinë e ekzistencës, duke ofruar një pasqyrim të gjerë të realitetit të Kosovës ndër vite. -Broshurën me titujt e ekspozuar Në Panairin e Librit në Leipzig 2025, kjo broshurë paraqet një përzgjedhje të autorëve shqiptarë nga Kosova, të cilët përfaqësojnë breza të ndryshëm shkrimtarësh dhe zhanre të larmishme letrare, nga poezia dhe proza deri te studimet letrare dhe drama. Autorët e përfshirë në këtë broshurë vijnë si nga Kosova, ashtu edhe nga diaspora, duke pasuruar mozaikun e letërsisë shqipe me përspektiva të ndryshme artistike dhe tema universale. Veprat e tyre eksplorojnë historinë, kujtesën, identitetin, përvojën e migrimit, dashurinë, sfidat sociale dhe filozofinë e ekzistencës, duke ofruar një pasqyrim të gjerë të realitetit kosovar ndër vite. Katalogu përfshin gjithashtu botime të përkthyera në gjuhë të huaja, me synimin për ta shtrirë letërsinë shqipe të Kosovës në skenën ndërkombëtare. Duke i sjellë këto vepra para një audience ndërkombëtare, Kosova jo vetëm që forcon praninë e saj letrare në Evropë, por edhe nxit dialogun, shkëmbimin dhe bashkëpunimin mes autorëve, botuesve dhe lexuesve. Fletushka dhe materiale të tjera promovuese, të cilat ofrojnë një pasqyrë të pasurisë dhe diversitetit të letërsisë shqipe. Programi i Ngjarjeve Promovuese: Pjesëmarrja e Kosovës në Panairin e Librit në Leipzig realziohet në bashkëpunim me rrjetin letrar " Traduki". Biblioteka Kombëtare e Kosovës në kuadër të programit Leipzig Liest organizon këto ngjarje:

1. Letërsia nga Kosova më 28 mars nga ora 13:30 me autorin Qerim Ondozi dhe botuesen Feride Berisha, me përkthim nga Zuzanna Finger.
2. Kujtesa Individuale dhe Kolektive më datë 29 mars nga ora 15:00 me autorin Ag Apolloni, promovim i librit Red Riding Hood: Fairytale for Groën Ups të përkthyer në gjuhë angleze. Ngjarja realizohet me përkthim nga Zuzana Finger.

Në bashkëpunim me rrjetin letrar TRADUKI, Biblioteka Kombëtare organizon ngjarjen:

1. Gjuha, Migrimi dhe Letërsia në Kosovë më 29 mars nga ora 11:00 me autoret Blerina Rogova Gaxha dhe Jehona Kicaj dhe me përkthim nga Zuzana Finger.
2. 
3. 
4. 
5. 
6.