Kosova pranohet në Federatën Botërore të Badmintonit

Një lajm i veçantë për sportin kosovar. Federata e Badmintonit e Kosovës është bërë anëtare me të drejta të plota në Federatën Botërore të Badmintonit. Thomas Lund, Sekretar i Përgjithshëm i Federatës Botërore të Badmintonit, e ka njoftuar zyrtarisht Jeton Nebiun, të parin e badmintonit kosovar, me ecurinë e procesit. Si zakonisht, as ky anëtarësim nuk ka kaluar pa pengesa politike. Serbia - e përkrahur nga Spanja, Greqia, Ukraina, Rumania, Qiproja dhe Azerbejxhani - ka tentuar ta parandalojë pranimin e Kosovës. Mirëpo, Asambleja e Përgjithshme Vjetore ka votuar në favor të shtetit tonë. Kryetari Nebiu tha për Klan Kosovën se ky është moment i jashtëzakonshëm për badmintonin kosovar në veçanti, por edhe për sportin kosovar në përgjithësi. “Jam shumë i lumtur për pranimin e Kosovës në familjen botërore të badmintonit”. “Prej tash do të kemi motiv të madh për t’u angazhuar maksimalisht në rritjen e kualitetit dhe gjithëpërfshirjes së vajzave dhe djemve kosovarë në këtë sport atraktiv”. “Badmintoni është sport olimpik, prandaj badmintonistët kosovarë do të kenë mundësi ta përfaqësojnë vendin tonë në olimpiadat e ardhshme”.   https://klankosova.tv/themelohet-federata-e-badmintonit-profesor-jeton-nebiu-kryetar/ https://klankosova.tv/kampionet-e-pare-kosovare-ne-badminton-fotovideo/ https://klankosova.tv/u-mbajt-kampionati-individual-i-kosoves-ne-badminton-gara-te-forta-dhe-organizim-i-mirefillte/ https://klankosova.tv/qendron-kastrati-i-ofron-perkrahje-federates-se-badminitonit-te-kosoves/