Kosovarit në Gjermani i thyhet xhami i veturës në të cilin ishte emblema e UÇK-së

Një veturë e cila kishte emblemën e Ushtrisë Çlirimtare të Kosovës në xham, është thyer në Heilbronn të Gjermanisë. Këtë e ka bërë të ditur një bashkëatdhetar nga Deçani, i cili i tha Klanit se bëhet fjalë për automjetin e tij. Për më tepër, Patriot Gogaj pretendon se ky veprim është kryer nga serbët, raporton Klankosova.tv. Sipas tij, rasti ka ndodhur vetëm pse ai bartte emblemën e UÇK-së me mbishkrimin “Liria ka emër”.