Krasniqi: 15 vjet kanë qenë në këtë grusht

Kampioni i Botës në Boks, Haxhi Krasniqi, ka thënë se fitorja kundër Dominic Boesel nuk është vetëm fitore e tij personale. “E di që secili iu ka gëzuar këtij suksesi. Është çmimi më i madh në jetën time. E kam nderuar shtetin e Kosovës me këtë trofe. Boksoj për Gjermaninë por e kam cek me krenari shumë të madhe se prej nga vi. Atje duhet të punosh 10 herë më shumë për ta mposhtur një gjerman. Zhgënjimet më kanë bërë më të fortë”. “I kam thënë vetes së duhet të vazhdoj dhe ka qenë ëndërr që këtë ta realizoja një ditë. 17 vjeçar kam shkuar atje dhe 15 vjet ka vonuar ky sukses”, është shprehur Krasniqi, njofton Klan Kosova. Ai ka thënë se për goditjen që e plandosi gjermanin është përgatitur një dekadë e gjysmë. “Ky grusht ka qenë i 15 vjetëve, ka qenë sakrificë, përvojë dhe vuajte...  15 vjet kanë qenë në atë grusht”. “Nuk mund ta përjetoj kurrë atë ndjenjë. Mund ta përjetojë edhe një herë ndoshta dhe është ëndrra imë që në “Fadil Vokrri” të boksoj, në vendim tim, ku besoj se do të ketë një adrenalinë tjetër”. Krasniqi ka thënë se meçi i revanshit do të ndodhë kundër Boesel, pasi që për këtë është shprehur se kanë pasur marrëveshje. “Kam kontratë të boksoj kundër tij. I duhet gjashtë muaj që të jetë i gatshëm dhe shumë i sigurt. Jam i pajtimit dhe ta mbroj titullin e botës ku çdo ndeshje është shumë e vështirë. Unë i marrë me qejf përgjegjësitë e mëdha”.