Krasniqi më 4 maj ngjitet në ring: Shpresoj në mbështetje dhe t'ua shpërblej me një fitore (VIDEO)

Robin Haxhi Krasniqi do të ngjitet në ring me 4 maj të këtij viti, ku kundërshtar do të ketë boksierin Jorge Silva. Krasniqi me anë një videoje të postuar në llogarinë e tij në rrjetin social Facebook, ka kërkuar mbështetjen e të gjithë shqiptarëve. Siç potencon boksieri nga Juniku, karriera e tij është drejt fundit, dhe për këtë i është falënderues fansave që e kanë përkrahur. "Përshëndetje shqiptarë të dashur kudo qe jeni. Ju falënderojmë për mbështetjen e juve, unë i kam edhe disa ndeshje që nuk kanë mbetur shumë në karrierën time, shpresoj edhe këto emocione të ndeshjeve të fundit t'i merrni me veti dhe ju jam falënderues për mbështetjen në karrierën time", ka thënë Krasniqi. "Më 4 maj ju pres në Augsburg, ju premtoj që ato emocione do të mbeten një kujtim i gjatë". "Shpresoj në mbështetjen e juve dhe që atë natë ta shpërblejmë me një fitore për të gjithë".