Krasniqi: Më së shumti më dhimbset nëna, suksesi im është prej lutjeve të saj (VIDEO)

Boksieri Robin Krasniqi ka njoftuar se do të rikthehet në ring më 4 maj, teksa për kundërshtarin shtoi se do ta bëjë të ditur më pastaj. Krasniqi, mes tjerash në lidhje me sportin e boksit, potencoi se është i vështirë dhe duhet shumë sakrifica për të arritur deri te titujt e botës, njofton Klankosova.tv. “Është sport i vështirë çka është më e rëndë, kur njeriu pëson një  humbje, nuk është si në futboll, këtu me një humbje, sidomos kur je lartë, mundet të kthejë prapa deri në tre vjet, është sakrificë e lartë, nuk është që është e lehtë. Duhet me pasë një qëllim, i hekurt deri në pikën sidomos për titujt e botës”, u shpreh Krasniqi në emisionin Kosova Today në Klan Kosova. Ai tregoi se nëna e tij i përjeton më së keqi meçet e tij. “Normal që më së shumti më dhimet është nëna ime, edhe ajo thotë 'momentin kur e len ti boksin për mua do të jetë dita më e mirë e jetës sime’, e përjeton keq, nuk ka ndeshje që nuk ka marrë dy tre ditë ose një javë, hapat e qetësimit, nana është nanë, nuk më hekë prej lutjeve”, tregoi ai. “Suksesi im është prej lutjeve të saj, kur do ta lë ka me qenë një lajm shumë i gëzueshëm për nënën time, edhe nusja ime po e përjeton keq”. https://www.youtube.com/watch?v=zH89HlZc01g