Krasniqi: Shtytja kryesore e një personi që t'i ndjekë vizionet është vendosja e prioriteteve

Këtë të shtunë në emisionin "Familja ime" është diskutuar për mënyrën e arritjes së prioriteteve tona përgjatë një viti. Nora Krasniqi nga "Komuniteti i Ndryshimtarëve" ka folur nga përvoja e saj se si i vendos prioritetet. “Shtytja kryesore e një personi që t'i ndjekë vizionet e veta është që t'i vendosë prioritet se çka po don me arrit. Unë preferoj që jo për një vit t’i vendos prioritetet, për shkak se nga eksperienca kam parë që shpeshherë e tradhtojmë veten gjatë rrugës dhe nuk arrihet ajo që e presim”. “Është më mirë të kemi plane ditore, javore, mujore e kështu me radhë. Vendosja e prioriteteve në këtë formë për mua ka qenë shumë e mirë, për shkak se ma ka mundësu që t'i arrij edhe planet vjetore që kam pas dëshirë m'i arrit. Kjo është më e mirë pasi ta mundëson t’i arrish planet vjetore”, ka thënë tutje ajo.