Krejt çka ndodhi sot në bastisjet e rastit “Brezovica” (VIDEO)

14 persona përfunduan në pranga të policisë pas aksionit për fajde të zhvilluar me urdhër të Prokurorisë Themelore të Ferizajt. Në këtë aksion të nisur qysh në orët e para të mëngjesit në Prishtinë, Ferizaj, Vushtrri, Lipjan e Viti asistuan edhe zyrtarët e Administratës Tatimore të Kosovës dhe Njësinë e Hetimeve të Doganës së Kosovës, raporton Klan Kosova. Kjo pasi organeve të rendit u desh kontrollimi dhe sekuestrimi i përkohshëm të shtëpive, lokaleve përcjellëse dhe auto-salloneve e zyrave të ndërmarrjeve. Ndërsa, gjatë kontrollit në objekte janë gjetur dhe konfiskuar: para, vetura, armë dhe dokumente të ndryshme. Ky aksion rrodhi nga hetimet në rastin “Brezovica” për të cilin zyrtarë komunalë e qeveritarë po hetohen për keqpërdorim të detyrës zyrtare. Seanca e parë gjyqësore e planifikuar të mbahet dy muaj më parë, ndaj ish-kryetarit të Shtërpcës Bratisllav Nikoliq dhe të tjerëve të arrestuar në këtë rast, dështoi për shkak të përkthimit shqip-serbisht. Detajet për bastisjen e së enjtes i tregoi për televizionin Klan Kosova prokurori i rastit, Rasim Maloku, e të cilat mund t’i kuptoni në intervistën më poshtë. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://youtu.be/_6303jvWh1Y