Krijimi i një smartphone konsumon 13 ton ujë

Rrjeti i organizatave ambientale në 74 vende të ndryshme ka kryer një studim mbi impaktin që kanë objektet e përdorimit të zakonshëm mbi burimet e globit. Studimi “Mind your step”  i bën thirrje industrisë globale të ketë vëmendjen jo vetëm tek ndikimi i karbonit të prodhimeve të tyre, por edhe në të dhëna të tjera të rëndësishme si konsumimi i burimeve hidrike dhe të tokës. Sipas këtij raporti, për të prodhuar një palë çizme lëkure duhen 14.5 ton ujë dhe 50 metër katror tokë. Për një telefon të mençur smartphone duhen 13 ton ujë dhe 18 metër katror tokë.  Për një kuti çokollatash duhet 1.5 ton ujë e tokë për materialet që përdoren për amballazhim.  Kjo rritet me 84 për qind, referuar vetëm tokës, për sektorin e lodrave.