Krijoi ekspozitë me fustanet e grave të abuzuara seksualisht gjatë luftës, Alketa tregon pyetjen që i bëhet gjithmonë

Alketa Xhafa Mripa ka folur në ZëmeMirën Podcast dhe ka rrëfyer gjithë eksperiencën e saj në krijimin e një ekspozite ndryshe, atë me fustanet e grave të abuzuara seksualisht gjatë luftës së Kosovës. “Mua gjithmonë më është bërë pyetja. Pse për sexual violence? Pse për gratë e mbijetuara? Mos të ka ndodhur ty diçka?”, tha ajo. Derisa vijoi: “Këtë pyetje e kam pasur prej një diplomateje angleze dhe unë i kam thënë. Pse duhet t`i ndodhë dikujt diçka për ta ngritur zërin për një çështje. Pse nuk e fut veten në këpucën e atij personi? Të mbijetuarat nuk e kanë pasur platformën ku të flisnin. Ti e ke platformën, atëherë përdore." Rrobat e të mbijetuarave të dhunës seksuale u ekspozuan në Hagë të Holandës nga artistja Alketa Xhafa-Mripa në qershor të vitit 2024.