Kryeministri, i shqetësuar nga informacionet për çmimet e rritura të bukës

Kryeministri i vendit, Albin Kurti, ka thënë se qeveria që ai drejton ka pranuar me shumë shqetësim raportimet për ngritje të çmimeve të bukës. Sikurse me atë të naftës, Kurti u shpreh sot se pritet të diskutojnë për masat tjera në këtë rast, për të mos lejuar dëmtimin dhe shfrytëzimin e konsumatorëve qytetarë të Kosovës, njofton klankosova.tv. ''Ne i kemi marrë me shumë shqetësim këto informacione për çmime të rritura të bukës, që është ushqimi më elementar për qytetarët e Republikës së Kosovës''. ''Ministria është duke përgatitur një përgjigje të Qeverisë. Kemi përcaktuar ‘tavanin’ e çmimit për naftën, e duhet të shohim se çfarë duhet të bëjmë në mënyrë që të mos shfrytëzohen e të dëmtohen konsumatorët tanë''. ''Duhet të shohim vlerësimin e MINT-it e të marrim masa si qeveri që ta mbrojmë konsumatorin qytetar nga ata që mund ta keqpërdorin situatën e të abuzojnë në këtë kohë krize''.