Kryeministri kanadez, Mark Carney tha se vendi i tij “gjithmonë do të mbështesë sovranitetin dhe integritetin territorial të shteteve”.
Duke folur me gazetarët në Doha, Carney tha se Kanadaja ishte e shqetësuar për përshkallëzimin e fundit mbi Groenlandën dhe theksoi se të gjitha vendimet në lidhje me të ardhmen e ishullit më të madh në botë "varen nga Groenlanda dhe Danimarka", transmeton Klankosova.tv
Kryeministri kanadez tha se kishte folur me kryeministrin e Groenlandës dhe shtoi se kishte "angazhim të plotë, siç pritet dhe është e përshtatshme, nga partnerët e NATO-s për sigurinë e Groenlandës".
"Shteti i 51-të"
Që nga marrja e detyrës për herë të dytë vitin e kaluar, Presidenti i ShBA-së Donald Trump ka vendosur tarifa për sektorët kanadezë si industria e metaleve dhe prodhimi i automjeteve, duke çuar në pasiguri të rëndë ekonomike. Ai gjithashtu e quajti Kanadanë "shteti i 51-të federal", gjë që u dënua ashpër nga autoritetet kanadeze, dhe këto komente dëmtuan më tej marrëdhëniet afatgjata midis dy vendeve.
Komentet e Carney vijnë një ditë pasi Presidenti i ShBA-së, Donald Trump, tha se planifikon të vendosë një tarifë prej 10% për mallrat nga Danimarka, Norvegjia, Suedia, Franca, Gjermania, Mbretëria e Bashkuar, Holanda dhe Finlanda nga 1 shkurti nëse ato kundërshtojnë vendimin e tij të njëanshëm për të marrë Grenlandën.
Le t'ju kujtojmë se Groenlanda është ishulli më i madh në botë dhe një territor autonom brenda Danimarkës, me vetëqeverisje dhe parlamentin e vet. /Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
