Kryetari i Tetovës pas vdekjes së Shpat Kasapit: Qyteti humbi birin e tij dhe një artist të madh

Kryetari i Tetovës, Bilall Kasami, ka shprehur ngushëllime për vdekjen e papritur të këngëtarit nga ky qytet, Shpat Kasapit. Përmes një postimi në facebook, Kasami tha se Tetova humbi birin e saj dhe një artist të madh, transmeton Klankosova.tv. “Me dhembje të thellë mora lajmin për ikjen nga kjo botë të këngëtarit tetovar Shpat Kasapi. Tetova humbi birin e saj dhe një artist të madh, i cili ndër vite ka qëndruar në majat e suksesit! Ngushëllime familjes, miqëve dhe gjithë qytetarëve të tetovës për këtë humbje kaq të madhe! Allahu e shpërbleftë me xhennet!”, ka shkruar ai. Vdekjen e artistit, për klankosova.tv e konfirmuan burime të afërta me familjen e tij, derisa raportohet se ai vdiq si pasojë e një arresti kardiak. https://klankosova.tv/vdes-kengetari-shpat-kasapi/