Kryetari i Vitisë, Sokol Haliti, deklaroi se komuna që ai udhëheqë tani është mbushur me mërgimtarë, për të cilët tha se shënuan edhe Ditën e Mërgatës me shumë koncerte dhe aktivitete të ndryshme pasi ardhja e tyre është e rëndësisë edhe shpirtërore përveç e asaj financiare.
I ftuar në emisionin Klanobusi në Klan Kosova, ai u shpreh se tashmë Vitia është e përmbushur dhe më e gjallë, pasi siç u shpreh, më parë pas orës 18:00 s’ke mundur të shohësh qytetarë të përfshirë në ndonjë aktivitet.
“Tash është kthyer motivi e inovacioni. Është në top komunat me aktivitete që rrallë mund t’i shihni në komunat tjera. Dalëngadalë po shndërrohemi në një qytet simpatik”, deklaroi ai.
Përveç mburrjes për suksese në komunën e tij, Haliti iu përgjigj edhe disa pyetjeve simpatike të prezantuesve të Klan Kosovës, duke treguar se ditën e nis me supë dhe një kafe të mesme, konsumon përpeq të paktën një herë në javë dhe se dikur ka qenë futbollist në ligën e parë të Kosovës.
Për shikuesit e Klan Kosovës ai nuk nguroi të merr pjesë edhe në lojën e këtij emisioni, duke tentuar që me këmbë të shënojë pikë në koshin e basketbollit.
●●●
EVSHKRIMI NGA
E V
Editorial nga Klan Kosova — ndjek kulturë dhe zhvillimet e tjera kryesore të vendit.
