Kryeziu: Dekreti i Presidentes është i saktë dhe duhet të shkojmë në zgjedhje (VIDEO)

Ish-gjykatësi i Gjykatës Kushtetuese, Kadri Kryeziu sonte në emisionin “DPT te Fidani” në Klan Kosova ka folur në lidhje me vendimin që pritet ta nxjerrë Gjykata Kushtetuese për shpërndarjen e Kuvendit nga presidentja Vjosa Osmani. Ai u shpreh se nëse konsiderohet se është një çështje e ndërlikuar, atëherë mund të vazhdohet masë e përkohshme deri në tre muaj. “Nëse e konsiderojnë se është problem i ndërlikuar, atëherë ata mund ta vazhdojnë deri në tre muaj masë të përkohshme. Sipas mendimit tim, kërkesa është shumë e qartë, dekreti është legjitim, sipas të gjitha gjasave, sepse është i sanksionuar me Kushtetutë. Presidentja nuk ka pasur alternativë tjetër, askush nuk ka treguar alternativë tjetër se si të veprojë”, tha ai. https://www.youtube.com/watch?v=7iWX8_BF6Q4 Kryeziu u shpreh se dekreti i Presidentes është i saktë dhe sipas tij, vendi duhet të shkojë në zgjedhje. “Sipas mendimit tim profesional dhe si njeri me përvojë që jam në këtë drejtim, dekreti i Presidentes është i saktë dhe duhet të shkojmë në zgjedhje, duhet të mblidhet partitë politike dhe ta caktojnë datën e zgjedhjeve”, tha ai./Klankosova.tv https://www.youtube.com/watch?v=wUmBF8qbXE8