Kthehet në ekspozitë "Luledielli" i  Van Gogut mbi të cilën u hodh salcë domatesh

Në Galerinë Kombëtare në Londër, aktivistët e ngrohjes globale, kanë hedhur kanoçe me salcë domatesh mbi pikturën me luledielli të Van Gogut. Dy persona me bluza me mbishkrimin “Just Stop Oil” kanë hapur kanoçe dhe kanë hedhur përmbajtjen në kryevepër. Policia Metropolitane tha se në lidhje me këtë rast janë arrestuar dy persona, shkruan BBC, transmeton KlanKosova.tv.

"Oficerët erdhën me shpejtësi në skenë në Galerinë Kombëtare mëngjesin e së premtes, pasi dy protestues të ‘Just Stop Oil’ hodhën një substancë mbi një pikturë dhe më pas lanë ngjyrë edhe në një mur. Të dy janë arrestuar për dëmtim kriminal dhe shkelje të rëndë", thuhet në raportin e tyre. Ndryshe, zyrtarët nga galeria thanë se piktura ishte e mbuluar me xham dhe për këtë arsye nuk ishte dëmtuar.