Kthehet në Izrael pas 20 vjetësh monedha e vjedhur në vlerë një milion dollarëve

U deshën gati 20 vjet punë e detajuar dhe një rrugë që përshkoi kontinente para se çështja e monedhës së humbur, 1 milion dollarëshe të mbyllej. "Një pjesë e dashur e historisë më në fund po kthehet në shtëpi," tha një zyrtar amerikan në një ceremoni që shënoi rastin. Ajo pjesë e historisë është një monedhë e vogël argjendi me simbolikë, e krijuar gjatë një revolte hebreje gati 2,000 vjet më parë. E grabitur në Izrael në vitin 2002, përfundimisht u gjet, u sekuestrua dhe po kthehet atje nga erdhi kjo monedhë. Krejt kjo filloi kur Autoriteti Izraelit i Antikiteteve (IAA) mësoi se monedha ishte marrë nga palestinezët në Luginën Ella, në jug të Jerusalemit. IAA thotë se kaloi një dekadë e gjysmë duke u përpjekur për të gjetur monedhën, e cila kaloi nëpër tregjet e paligjshme të antikiteteve në Izrael, Jordani dhe Mbretëri të Bashkuar. Monedha u dorëzua të hënën tek zyrtarët izraelitë në një ceremoni zyrtare në zyrën e Prokurorit të Qarkut të Manhatanit ku morën pjesë edhe zyrtarë amerikanë, përfshirë ambasadorin e Izraelit në OKB, Gilad Erdan, shkruan BBC, transmeton KlanKosova.tv.