Ku qëndroi pas vrasjes që kreu dhe si i dha fund jetës së tij Sokol Halili? (VIDEO)

I veshur krejt në të zezë, e në qetësi lëvizi rrugëve të Suharekës. Këtë veprim Sokol Halili, e bëri menjëherë pasi vrau ish-gruan e tij, shtatzënë, Hamide Magashin, para Klinikës së Gjinekologjisë. E përderisa turpi i saj, në natën kritike, qëndronte ende të vendi i ngjarjes, ky shfrytëzoi një taksi, i cili më pas edhe u intervistua nga policia, për të lëvizur nga fshati Duhel për në Suharekë, aty ku frekuentoi edhe një market. Sipas burimeve të televizionit, i njëjti rrugës edhe e humbi telefonin në mënyrë që të mos gjurmohet nga policia, njofton Klan Kosova. Por, këta të fundit mesditën e së premtes, e gjetën në shtëpinë e tij ku edhe i bënë thirrje të dorëzohet. Sokol Halili nuk pranoi ta bëjë këtë, por vendosi të shtie mbi vetën në një nga dhomat e katit të dytë të shtëpisë së tij. Kryeprokurori i Ferizajit, Shukri Jashari, deklaroi se Haliti, vdiq rrugës për në emergjencë. Që Halili mbërriti pa shenja jete e konfirmoi edhe mjeku i Emergjencës në Prishtinë, Florim Bekteshi. Derisa, trupi i tij u morë nga mjekësia ligjore, të shtëpia policia po bënte hetime në detaje. Kur këta përfunduan punë, aty thirrën edhe ekipet e zjarrfikësve për të pastruar vendin e ngjarjes. E edhe pse krejt procesin hetimor të policisë e përcolli nga afër, babi i të ndjerit nuk thanë gjë për vetëvrasjen e të birit. Megjithatë, familjarët e Hamide Magashit, dyshojnë se Sokol Halili, vrasjen e saj nuk e kreu vetw, por u ndihmua edhe nga tre persona të tjerë. https://www.youtube.com/watch?v=ERmYXCnO6U0