Kuka: Jemi mashtruar për Qendrën Nacionale – federata do të marrë një vendim të përkrahet ky projekt

Trajneri i Përfaqësueses së Kosovës në Xhudo, Driton Kuka, ka thënë se kjo federatë do të marrë një vendim të sajin që projekti i ndërtimit të Qendrës Nacionale të Xhudos të realizohet, nëse nuk ndërmerret asgjë prej institucioneve. “Në Pejë u premtua Qendra Nacionale e xhudos më 2016 por si duket po del të jemi mashtruar. Po luhet ping pong me Federatën e Xhudos, disa akterë po e hedhin topin tek njëri-tjetri”, ka thënë Kuka përmes Facebook, përcjell Klan Kosova. “Nëse nuk ndërmerret diçka shpejt atëherë federata do marrë një vendim që të përkrahet ndryshe ky projekt”. Këto Kuka i ka thënë duke shpërndarë fotografinë e mposhte të Qendra Olimpike në Holandë.