Kundërshtime të dyshimta, dollcasit kundër fabrikës së re (VIDEO)

Në 40 hektarët e ish-ndërmarrjes shoqërore “Malishgan”, në Dollc të Klinës, kompania Wallingford International Kosovo L.L.C. ka planifikuar ndërtimin e fabrikës së çimentos. Përfaqësuesi i kësaj kompanie, Faton Ismajli, tha për KIKS Kosovën se kjo fabrikë do të ndërtohet me teknologji të gjelbër nga kompania gjermane Thyssen Krupp, çka nënkupton zero ndotje për natyrën. “Fabrika jo vetëm që do te lëshon më pak emetime, por gjithashtu do te konsumon më pak energji dhe kursen resurse, si dhe përdor komponentë më miqësorë ndaj  mjedisit për të arritur neutralitetin e karbonit në afat të gjatë, do të jetë fabrika e parë e gjelbërtë ne Ballkan për prodhimin e çimentos”. Megjithëse kompania ka marrë lejet nga AKP-ja dhe nga Komisioni i Pavarur për Miniera dhe Minerale, ky projekt milionësh po pengohet nga disa banorë të fshatrave përreth që dalin në punishte sa herë që ndizen makineritë. Njëri nga ta insiston se toka mund t’i jepet vetëm kompanisë “Benita”, me seli në Gremnik të Klinës, e cila ishte po ashtu ofertuese për blerjen e parcelës ku do të ndërtohet fabrika. E kundërshtimin e banorëve kundrejt fabrikës po e sheh me dyshime auditori i çështjeve mjedisore, sipas ISO 14001, Ibush Luzha. Ky i tha KIKS Kosovës se prapa banorëve fshihet dikush tjetwr. “Shqetësimet e qytetarëve janë shqetësime që jua ka imponu nëj palë e tretë,  shumica e tyne unë nuk e di kush ka qenë por shumicas e tyre nuk e dijnë cila do tëjetë ndotja. Atyre u është thënë, po e thojmë me kusht, që do të ketë ndotje, sdo të mundemi me jetu etj etj dhe normal që shqetësohen, edhe unë do të isha shqetësu por qytetarët do të duhej me i vetëdijësu”, tha ai. Kompania “Benita” e Hesen Kalludrës në një formë ka konflikt interesi në këtë zonë, edhe për faktin e konfirmuar nga vet ai, se kishte blerë një parcelë 53 ari në 2015 nga një serb. "Benita Fruits" ishte edhe oferuesi i dytë për nga çmimi më i lartë për të blerë tokën ku do të ndërtohet fabrika. “Oferta jonë ka qenë në vlerë përafërsisht rreth 450 mijë euro. Benita Fruits sh.p.k., aktivitetin ekonomik primar e ka kultivimin e pemëve, prandaj ka qenë për shfrytëzim-plantacion i pemëve. Nuk është e vërtetë që ne kemi pasur biseda të tilla rreth shfrytëzimit ose ndërtimit të fabrikës së çimentos me asnjë kompani vendore ose investitor të jashtëm”. Krejt këto kundërshtime ndaj këtij projekti ish-kryetari i Odës Ekonomike, Safet Gërxhaliu, i sheh si pengesë të qëllimshme për prodhimin kosovar. “Unë kam një brengë se çfarë është duke ndodhur në Kosovë, ku falë ‘patriotëve ambientalë’, janë duke ikur investitorë të shumtë, jo vetëm nga Shtetet e Bashkuara të Amerikës, por edhe në veçanti ata evropianë dhe në këtë drejtim, këta ‘patriotë ambientalë’ janë duke shfrytëzuar këtë momentum që ta dëmtojnë prodhimin që duhet të jetë prioritet i prioriteteve të institucioneve kosovare”. KIKS Kosova ka prezantuar mbrëmë edhe shumë detaje mbi këtë investim dhe kundërshtimin e disa banorëve, që sipas ekspertëve, po cilësohet si veprim i nxitur. https://www.youtube.com/watch?v=lAzAxpUckY0