Kosovari Petrit Fejzullahu “kolegu” sportiv e spitalor i Maradonës

Legjendari Diego Armando Maradona e kishte pasur një përvojë interesante me një sportist nga Kosova. Ai dhe Petrit Fejzullahu, hendbollisti me karrierë ndërkombëtare, luanin në të njëjtën kohë për dy ekipet e Barcelonës në të tetëdhjetat, dhe që të dy kishin vuajtur nga hepatiti në të njëjtën kohë. Ky fakt interesant u kujtua këto ditë nga motra e Fejzullahut, Kaqusha Jashari, në një takim me Adnan Ahmetin, kryetar i Penya Kosovar del Futbol Club Barcelona, dhe anëtaren e kryesisë, Nita Llonçarin.   Lajmi e bëri të ditur vet Ahmeti në faqen e tifozëve kosovarë të Barcelonës, duke rikujtuar se Fejzullahu, kishte luajtur për Barcelonën gjatë periudhës 1982-1985, dhe kishte fituar Kupën e Mbretit: 1982–83, 1983–84, 1984–85, si dhe Kupën e Fituesve të Kupave: 1983–84 dhe 1984–85.   “Znj. Kaqusha tregoi histori interesante se si vëllai i saj Petriti kishte filluar karrierën në të njëjtin vit me Maradonën në Barcelonë (së bashku në foton e dytë), kuptohet Petriti në hendboll dhe Maradona në ‘jogo bonito’ dhe se që të dy ata kishin pasur një përvojë jo të mirë në aspektin shëndetësor, probleme me hepatitin në ditët e para blaugrane, si dhe për vizitat e saj në të hershme në Barcelonë dhe atmosferën e përjetuar në ndeshje para pak vitesh kundër AC Milan!”, shkroi Ahmeti. Kryetifozi kosovar i Blaugrana, konfirmoi për Klankosova.tv se Fejzullahu tani 71 vjeçar, vazhdon të jetojë në Barcelonë,.