Situata e tensionuar në veri të vendit, mblodhi të dielën Këshillin e Sigurisë në Prishtinë.
Pas këtij takimi kryeministri Albin Kurti, doli në konferencë me ministrin e Punëve të Brendshme Xhelal Sveçla.
Fillimisht Kurti u la pak faj paraardhësve për mosintegrim të veriut, pastaj si shef i ekzekutivit pohoi se bllokimet e rrugëve atje po i dirigjon Beogradi. Por, heqjen e tyre ia kërkoi misionit paqeruajtës të KFOR-it.
E shtyrjes së zgjedhjeve që i paraprijnë edhe afatet shtesë për targa e dokumente, Kurti nuk e sheh si zbutje të qeverisë që drejton.
Derisa ministri i Brendshëm, konfirmoi se serbët vendosën 6 barrikada si protestë ndaj arrestimit të ish-policit Dejan Pantiq, ku pati edhe të shtëna.
Por Sveçla nuk komentoi raportimet se pas këtij zhvillimi pati bllokim të patrullave policore.
Të dy qeveritarët u bënë thirrje serbëve nga veriu që të bashkëpunojnë me institucionet kosovare dhe të mos bien pre e grupeve kriminale.
https://www.youtube.com/watch?v=AyKkc86yd1A&feature=youtu.be
●●●
ASHKRIMI NGA
A.B
Editorial nga Klan Kosova — ndjek video lajme dhe zhvillimet e tjera kryesore të vendit.
