Kurti për Presidentin: Jam në kontakt me Hamzën e Abdixhikun, takohemi javën tjetër

Kreu i Qeverisë dhe lideri i LVV-së, Albin Kurti, ka thënë se do të ketë takime javën e ardhshme për temën e presidentit. Kurti ka thënë se është në kontakt edhe me kryetarin e LDK-së, Lumir Abdixhiku, dhe atë të PDK-së, Bedri Hamza. “Do të ketë takime në javën e ardhshme”, ka thënë Kurti. Gjykata Kushtetuese e Kosovës me vendimin e fundit të nxjerrë për Dekretin e presidentes Vjosa Osmani, kishte konstatuar se i njëjti s’kishte kurrfarë efekti juridik dhe i ka dhënë edhe 34 ditë afat shtesë për zgjedhjen e presidentit të ri. Kjo pasi ka konstatuar se mes datës kur është konstituuar Kuvendi dhe datës 4 mars, nuk ka pasur hapësirë për konsumimin e afatit 60 ditor. Kushtetuesja megjithatë ka sqaruar se presidenti duhet të zgjidhet brenda 60 dite dhe se ky afat duhet të nis e të përmbyllet 30 ditë pa i kaluar mandati presidentit. /Ekonomiaonline