Kurti prezanton hapjen e fazës së tretë

Qeveria në detyrë ka mbajtur sot një mbledhje ku kanë marrë vendime për lehtësimin e mëtutjeshëm të masave për parandalimin e Covid-19. Pas mbledhjes, Kryeministri në detyrë, Albin Kurti, së bashku me ministrin në detyrë të Shëndetësisë, Arben Vitinë, kanë prezantuar hapjen e fazës së tretë, njofton Klan Kosova. "Një ndër vendimet që morëm tani është ai për liberalizimin e masave në ballafaqimin me pandeminë Covid-19”. “Tash nga dita e nesërme mund të fillohet me një hapje jo absolute. Ajo çfarë do të bëjmë është se po rihapim kopshtet nga 0-5 vjeçar”. “Pastaj po bëjmë organizimin për testin e arritshmërisë dhe përgatitjet për testin e maturës. Kthimi i klasave të nënta nga data 8 qershor ndërsa ata të 12-ta nga data 15 qershor”. “Më datën 13 mars e patëm marrë vendim për mbylljen e kufijve, dhe në këtë mënyrë hapim kufijtë tokësorë”. “E kemi shfuqizuar edhe pikën 6, me të cilën janë mbyllur baret dhe kafenetë. Nga dita e nesërme hapen edhe ato". Sipas Kurtit, fakti që po lehtësohen këto masa nuk do të thotë se duhet të hiqet dorë edhe nga kujdesi. “Është e domosdoshme që të gjitha këshillat e IKSHPK-së të jenë të respektuara në plotni dhe t’i ndiqni me vëmendje vendimet e ardhshme të MSH-së”.

klankosova.tv