Kurti thotë se marrëdhëniet me Serbinë janë abnormale (VIDEO)

Kriza në veri të vendit mund të përsëritet përderisa marrëdhëniet ndërmjet Kosovës e Serbisë janë abnormale. Kjo pasi sipas kryeministrit, Albin Kurti, strukturat ilegale të Serbisë që janë atje që nga viti 1999, së fundmi janë kthyer në banda kriminale. E për heqjen e pengesave që qëndruan për 20 ditë ai tha se nuk ka asnjë marrëveshje të fshehtë ndërmjet palëve, siç është aluduar, njofton Klan Kosova. “Nuk i japë premtime dhe garanci kriminelëve që kanë fletarrestime dhe që në të njëjtën kohë janë futur në listën e zezë nga Thesari i SHBA-së dhe Britania”, ka thwnw Kurti. Kështu tha i pari i ekzekutivit në një intervistë për Al Jazeera teksa dha sqarime pse kërkoi trupa shtesë nga KFOR-it. “Lidhjet e fuqishme mes Serbisë dhe Rusinë na shqetësojnë, prandaj na duhen më shumë trupa të NATO-s. Ndihem i kërcënuar nga Serbia, që është regjim klient i Rusisë”, shtoi ai. Shefi i qeverisë foli edhe për shkëmbimin e territoreve që tha se si projekt ka dështuar, por si ide jo. Ai ripërsëriti se nuk mund të ketë themelimin Asociacioni me bazë etnike, apo çfarëdo organizimi institucional. https://www.youtube.com/watch?v=6wYbadQTAxw