Kurti viziton ekspozitën personale “Udhët që më njohin” të artistit, Rron Qena

Në Galerinë Kombëtare, mëngjesin e sotëm, kryeministri Albin Kurti, vizitoi ekspozitën personale “Udhët që më njohin” të artistit Rron Qena, të kuruar nga Lulzim Zeqiri. Ekspozita e artistit përbëhet nga 39 piktura të punuara në vaj të cilat shfaqin përjetime e emocione të autorit në qytetet e Prishtinës, Berlinit, Shkodrës e Bremenit, përcjell Klankosova.tv. Duke parë nga afër punimet e artistit, Kurti vlerësoi filozofinë artistike të Rron Qenës të shprehur përmes stilit dhe qasjes së tij në veprat e punuara me reflektim e kujdes në çdo detaj. Ekspozita u hap të mërkurën e 17 korrikut dhe do të qëndrojë e hapur për publikun deri më 1 shtator.