Kush është personi që gjallëroi jetën kulturore në qytetin e minatorëve? (VIDEO)

Sot, "Ora e Pasdites" në Klan Kosova iu dedikua jetës kulturore të Mitrovicës. I ftuar ishte Lulzim Hoti, njeriu i cili konsiderohet se gjalli aktivitetet kulturore në qytetin e minatorëve. Hoti, është themelues i organizatës '7 Arte', e cila ka plotë 17-të vite që funksionon dhe realizon projekte të ndryshme. "Besoj që secilit njeri diçka i ndërlidhet me fëmijërinë e vet, apo të kaluarën. Edhe unë si fëmijë kam pasur fatin që të jem në një shkollë ku jeta artistike ka qenë shumë e pasur, dhe kemi  pasur orët e artit aq atraktive dhe aq të bukura në mënyrën e vet, sa që ka qenë magjike me marr pjesë në orë të artit", u shpreh Hoti. Hoti, kujtoi kohën dhe arsyet se pse pas luftës jeta kulturore në Mitrovicë u shua. "Gjërat ndryshuan drastikishit me ndarjen e qytetit. Kjo bëri që shumë artistë ta lëshojnë qytetin, dhe në të njëjtën kohë u shpërngul një pjesë e qytetit, nga pjesa veriore e qytetit. Gjithçka u dashtë të mendohet dhe të rikonceptohet se çfarë të bëjmë më tutje", tha Hoti. Drejtuesi i "7 Arteve" foli shpalosi edhe shumë çka tjetër në bashkëbisedim me moderatoren Njomza Aliu - Kajtazi. Ndaj klikoni në linkun e mëposhtëm dhe ndiqeni intervistën e plotë. https://www.youtube.com/watch?v=YWsEI9TdhVA