Kush fiton zgjedhjet në Maqedoni, Tahiri: Menduh Thaçi ka komoditetin të japë parashikime

Analisti politik, Sefer Tahiri tha se kryetari i Partisë Demokratike Shqiptare në Maqedoni të Veriut, Menduh Thaçi, ka komoditetin të bëjë parashikimet se kush mund të fitojë zgjedhjet e së dielës atje. Në ‘Rubikon’ të Klan Kosovës, Tahiri tha se këtë komoditet Thaçi e ka, për shkak se nuk është vet në garë, transmeton Klankosova.tv. “Zotëri Thaçi e ka komoditetin që të bëjë parashikimet të tilla, për shkak se vet nuk është në garë” u shpreh Tahiri. Ndër të tjera, Tahiri tha se asnjëherë nuk i ka shkuar në mendje se Ali Ahmeti i BDI-së, dhe Menduh Thaçi do të bëheshin bashkë. Megjithëse, sipas tij, Thaçi është i njohur për ekzibicionet e tij politike. “Fitili i tij është i shkurtër, që do të thotë nuk duron shumë”, tha tutje ai. https://www.youtube.com/watch?v=6Zq_R1oGe_0