Kushtetuesja mund ta pezullojë Ligjin e Pagave (VIDEO)

18 akterë të shoqërisë kosovare, konsiderojnë se me Ligjin e Pagave u shkel e drejta e tyre. Për këtë ata iu drejtuan me ankesë Avokatit të Popullit që ka 6 muaj kohë t'i trajtojë këto lëndë. E një avokat vlerëson se destinacioni final i këtyre ankesave duhet të jetë Gjykata Kushtetuese, si organi kryesor për shqyrtimin e tyre dhe e cila do ta pezullojë ligjin, njofton Klan Kosova. Diçka të tillë pret edhe ish-numri dy i gjykatës më të lartë në Kosovë, që shpjegon se Kushtetuesja mund t'i vë nga 1 javë deri në 3 muaj masë sigurie. Ligji i Pagave qe pezulluar nga kjo gjykatë edhe më 2019, e tash po kërkohet më shumë kujdes sidomos gjatë hartimit të tij. E për përgjegjësit, nuk përjashtohet edhe thirrja para përgjegjësisë. Ligji i Pagave për sektorin publik, hyri në fuqi nga 1 shkurti dhe të enjten u miratua në Kuvendin e Kosovës edhe në lexim te dytë. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=wFmNpqLUWas