Kuvendi ka kaluar projektligjin për barnat, çmimi pritet të jetë në nivel me rajonin

Deputetët e Kuvendit të Kosovës kanë miratuar projektligjin për çmimin e barnave. Sipas njoftimit, me hyrjen në fuqi të këtij projektligji, çmimi i barnave në Kosovë do të nivelizohet dhe do të jetë i njëjtë me çmimin në shtetet e rajonit. “Do të ketë ulje në përgjithësi e çmimeve të barnave që ndikon drejtpërdrejt në buxhetet e familjeve tona. Do të bëhet vendosja e çmimeve tavan për kontraktim të barnave nga ana e institucioneve shëndetësore publike”, thuhet në njoftim, transmeton Klankosova.tv. Tutje, bëhet e ditur se me këtë projektligj do të vendoset baza për rimbursimin e barnave nga ana e Fondit për Sigurime Shëndetësore dhe do të vendoset konkurrencës mes barnatoreve komunitare në nivel profesional e jo me ndryshim në çmime. “Për herë të parë në vendin tonë krijohet një sistem rregullativ për çmimin e barnave”, thuhet tutje në njoftim. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS