Ky është 65-vjeçari që vdiq në një aksident në fshatin Mirosalë të Ferizaj

Një 65 vjeçar ka vdekur sot si pasojë e një aksidenti në fshatin Mirosalë të Ferizajt. Klankosova.tv mëson se viktima është Selim Bytyqi. Lidhur me rastin detaje ka dhënë edhe policia. “Sot, më 22.06.2025, rreth orës 12:15, kemi pranuar informatën për një aksident trafiku në lagjen “Cakaj” të fshatit Mirosalë, ku një veturë e tipit Golf me targa vendore ka goditur një shtyllë elektrike.  Në vendin e ngjarjes është gjetur një person brenda veturës, për të cilin fillimisht nuk dihej nëse kishte shenja jete. Menjëherë janë njoftuar emergjenca, njësia e zjarrfikësve dhe Njësia e Komunikacionit Rrugor. Gjithashtu, pas raportimeve për dëmtimin e shtyllës dhe rrëzimin e telave në tokë, është njoftuar edhe KEDS”. “Rreth orës 12:37, mjeku kujdestar nga emergjenca e Ferizajt ka konstatuar vdekjen e viktimës. Viktima është S. B, rreth 65 vjeç”, thuhet në përgjigjen e zyrtarëve policor. Për të gjitha veprimet policore është njoftuar prokurori i shtetit. https://klankosova.tv/aksident-me-fatalitet-ne-ferizaj-vdes-nje-65-vjecar11/