Ky është ish-ministri i arrestuar nga aksioni Polici-AKI – konfiskohen edhe tri vetura

Mbrëmë, Policia në bashkëpunim me Agjencinë e Kosovës për Inteligjencë kanë zhvilluar një aksion kundër keqpërdorimit dhe korrupsionit. Burime të Klankosova.tv bëjnë të ditur se gjatë aksionit është arrestuar ish-ministri i Zhvillimit Ekonomik, Fadil Ismajli. Klan Kosova po ashtu merr vesh nga burimet e veta, se Goran Laziq, u prangos në flagrancë në Llapnasellë, duke marrë një shumë të parave. Po ashtu, gjatë këtij operacioni është arrestuar edhe J.M, kryetar i Gjykatës në Graçanicë. Gjithsej, nga ky aksion i madh, u arrestuan shtatë persona. Ndërkohë, Policia pos 20 mijë eurove, armëve, bizhuterive, dokumenteve të ndryshme e pajisjeve elektronike, ka sekuestruar edhe tri vetura. Shënim: Personi/personat e përmendur në këtë artikull, prezumohen të pafajshëm deri në një vendim të formës së prerë nga gjykata. https://klankosova.tv/nje-punetor-i-atk-se-i-arrestuar-ne-aksionin-polici-aki12/ https://klankosova.tv/aksioni-aki-polici-ne-mesin-e-te-arrestuarve-kryetari-i-gjykates-ne-gracanice-dhe-nje-ish-minister/ https://klankosova.tv/aksioni-2antikorrupsion-1prokuroria-speciale-te-dyshuarit-u-kapen-gjate-shkembimit-te-parave/