Ky është personi që humbi jetën tragjikisht në Mitrovicë

Mëngjesin e së dielës, një person ka vdekur tragjikisht në Mitrovicë. Ai dyshohet se ka rënë nga lartësia e një objekti banesor, ndërsa sipas konfirmit për Klankosova.tv nga Policia e Kosovës për rajonin e Mitrovicës jugore, ky rast është inicuar si “Hetim mbi vdekjen”. Klankosova.tv ka mësuar se bëhet fjalë për Ilir Brahimi nga Koshtova, i moshës 48-vjeçare. “Sot, rreth orës 05:30, Policia në Mitrovicë ka pranuar informatën se në rrugën "Ali Zeneli" është gjetur pa shenja jete viktima i gjinisë mashkullore, rreth 48-vjeçar. Njësitet përkatëse policore kanë dalë menjëherë në vendin e ngjarjes, ku kanë ndërmarrë veprimet e nevojshme hetimore.”, ka thënë Zahiti. Ndërsa, me urdhër të prokurorit, trupi i pajetë i viktimës është dërguar për obduksion në Institutin e Mjekësisë Ligjore.