LaBeouf mohon pretendimin e Wilde se ai u pushua nga 'Don't Worry Darling'

Shia LaBeouf po e mohon pretendimin e Olivia Wilde. Aktori 36-vjeçar foli pasi regjisorja 38-vjeçare e Don't Worry Darling pretendoi se ai u pushua nga produksioni kur nisi puna më 2020. Në një email të ri nga aktori, ai tha se zgjodhi të largohej vetë nga produksioni, duke thënë se "e la vetë". “E them këtë si dikush që është adhurues i madh i punës së tij. Procesi i tij nuk ishte i favorshëm për etikën që unë kërkoj në prodhimet e mia. Ai ka një proces që, në një farë mënyre, duket se kërkon një energji luftarake, dhe unë personalisht nuk besoj se kjo është e favorshme për shfaqjet më të mira. Besoj se krijimi i një mjedisi të sigurt dhe të besueshëm është mënyra më e mirë për t'i bërë njerëzit ta bëjnë punën e tyre më të mirë. Në fund të fundit, përgjegjësia ime është ndaj produksionit dhe ndaj kastit për t'i mbrojtur ata. Kjo ishte puna ime”, tha Olivia për pretendimin e shkarkimit të tij nga xhirimet. Ndërsa tani, Shia po flet hapur, duke i përcjellë revistës Variety dy email-e të cilat ai pretendon se i ka dërguar Olivia-s pas publikimit të historisë: “Ti dhe unë të dy i dimë arsyet e largimit tim. E lashë filmin tënd sepse unë dhe aktorët e tu nuk gjetëm kohë për të bërë prova”, ka shkruar ai. Ai dërgoi gjithashtu pamje nga ekranet e mesazheve me tekst që i dërgoi Olivia-s në gusht 2020, ku i tha asaj se do të duhej të tërhiqej nga xhirimet. Ai ishte vendosur të luante rolin e Jack-ut, i cili më vonë u riformua me Harry Styles. Tekstet u dërguan përpara se producentët të kuptonin se çfarë përfshinte procesi Shia, sipas gazetës. https://www.youtube.com/watch?v=FgmnKsED-jU