Laboratori i sofistikuar për falsifikimin e dokumenteve, arrestohet edhe një person

Është arrestuar edhe një person në rastin e laboratorit të sofistikuar për falsifikimin e dokumenteve. Policia ka njoftuar se aty janë gjetur aparatura të ndryshme për prodhimin e këtyre dokumenteve të falsifikuara, me qëllimin të prezantimit dhe përdorimit të tyre si origjinale. “Në kuadër të hetimeve që janë duke u zhvilluar lidhur me rastin “Laboratori 5”, është arrestuar N.S., nën dyshimin për kryerjen e veprave penale “Pjesëmarrja ose organizimi i grupit kriminal të organizuar” dhe “Falsifikimi i dokumentit”. Me urdhër të Prokurorisë Speciale të Republikës së Kosovës është ndaluar për 48 orë”. “Ekziston dyshimi i bazuar se, nga një periudhë e pacaktuar kohore e deri më 24 janar 2025, N.S. në bashkëpunim me të dyshuar të tjerë, në lagjen Qëndresa në Prishtinë, me qëllim të përfitimit të kundërligjshëm pasuror, ka kryer vepra penale që lidhen me falsifikimin e dokumenteve publike si, pasaporta, patentë-shofera, e dokumente të tjera, të prodhuara për mbi 50 shtete të ndryshme të botës. Në shtëpinë laborator, e cila ishte marrë me qira në emër të N.S., janë gjetur aparatura të ndryshme për prodhimin e këtyre dokumenteve të falsifikuara, me qëllimin të prezantimit dhe përdorimit të tyre si origjinale”, thuhet në njoftim. Për të njëjtin rast më herët ishte arrestuar edhe një person./Klankosova.tv https://klankosova.tv/policia-zbulon-nje-laborator-te-sofistikuar-ne-prishtine-per-falsifikimin-e-dokumenteve/