Lajmet e fundit
Wilson, një regjisor teatri që ka punuar për më shumë se pesë dekada, është i njohur për shfaqjet e tij eksperimentale të operës dhe performancat avant-garde.
Opera e tij me katër akte me kompozitorin Phillip Glass nga viti 1976, "Ajnshtajni në plazh", zgjat gati pesë orë pa ndërprerje, duke i lejuar shikuesit të vijnë dhe të shkojnë sipas dëshirës.
Ai gjithashtu organizoi një shfaqje të paharrueshme që zgjati shtatë ditë pandërprerë në malin Haft Tan, pranë qytetit iranian të Shirazit, të cilën e quante "një lloj kornize apo dritare drejt botës ku ngjarjet e zakonshme dhe të jashtëzakonshme mund të shiheshin së bashku".
Wilson tha se për herë të parë kishte idenë për video portrete të ngadalësuara në vitet 1970, duke i paramenduar ato të shfaqeshin në korridoret e hoteleve, banka, stacione të autobusëve dhe ulëset e pasme të aeroplanëve.
Në fillim të viteve 2000, kur ai filloi të xhironte veprat e tij, ekranet me kualitet të lartë të fotografisë ishin më të lehta për t'u gjetur dhe ai mund të zgjidhte një format vertikal në mënyrë që "ato të ishin në proporcion me qëndrimin e njeriut", shpjegoi ai.
Artistët me famë shpesh nuk kanë kohë as për fotosesione që zgjasin shkurt, por Wilson ka “rrëmbyer” për disa orë secilin si Robert Downey Jr. i cili portretizoi pikturën anatomike të Rembrandt të vitit 1632, balerini Mikhail Baryshnikov i cili u shndërrua në Shën Sebastianin e martirizuar me shigjeta, si dhe Salma Hayek dhe Winona Ryder.
"Unë mendoj se këto vepra janë një kundërvënie e kohës në të cilën jetojmë”, tha autori./ Klankosova.tv
