Lady Gaga feston ditëlindjen

Këngëtarja e njohur amerikane Lady Gaga, sot feston ditëlindjen e saj tw 36. Albumi i saj debutues “The Fame” (2008) prodhoi hite si "Just Dance" dhe "Poker Face". EP-ja pasardhëse, The Fame Monster (2009) pati pritshmëri të ngjashme dhe këngët e veçuara "Bad Romance", "Telephone", dhe "Alejandro" u kthyen në suksese. Albumi i saj i dytë “Born This Way” u publikua në vitin 2011 dhe arriti majat e klasifikimeve në më shumë se 20 vende, duke përfshirë Shtetet e Bashkuara, ku shiti pothuajse një milion kopje në javën e parë. Kënga e veçuar nga ky album, "Born This Way" arriti gjithashtu majat e klasifikimeve. Albumi i tretë “Artpop” doli në vitin 2013 bashkë me këngën e veçuar "Applause" dhe u arritën pozicione të larta në klasifikime. Në 2014, Gaga nxori albumin jazz në bashkëpunim me Tony Benett me titullin “Cheek to Cheek”, i cili u bë albumi i saj i tretë i njëpasnjëshëm që arrin numrin një në ShBA. Në 2016 ajo fiton një Golden Globe Award për rolin ne American Horror Story: Hotel. Gaga arriti të jetë e vetmja femër e viteve 2010 në SHBA që të ketë katër albume në majat e klasifikimeve, kur albumi i saj i pestë Joanne (2016) arriti numrin një. Arritjet e saj përfshijnë dymbëdhjetë Guinness World Records, tre Brit Awards dhe gjashtë Grammy Awards.