Lady Gaga pritet të luajë Harley Quinn në "Joker 2"

Vetëm një javë më parë, Todd Phillips njoftoi në rrjetet sociale se po ribashkohej me Joaquin Phoenix për të filluar punën në "Joker 2", por tani detajet për vazhdimin po bëhen pak më interesante. "Joker: Folie à deux" do të jetë një muzikal dhe Lady Gaga është në bisedime të hershme për të luajtur si Harley Quinn. Sipas storjes, Gaga do të luajë një version shumë të ndryshëm të Harley-t nga personifikimi aktual i DC Universe, të luajtur nga Margot Robbie. Kjo do t'i përshtatej formatit të përgjithshëm të filmit origjinal, ku Phoenix luajti Jokerin brenda universit të tij, të ndarë nga filmat e tjerë të DC. As Phoenix dhe as Gaga, nuk kanë mbyllur ende marrëveshje për të bërë filmin, thotë The Hollywood Reporter. Phillips dhe Gaga gjithashtu kanë punuar së bashku më parë. Phillips shërbeu si producent në "A Star is Born" të 2018-ës, ku luajti Gaga së bashku me Bradley Cooper, i cili, nga ana tjetër, prodhoi "Joker". Gaga në "Joker: Folie à deux" do t'i përshtatej në mënyrë të përkryer trendit të përzgjedhjeve të filmave të saj të mëparshëm. Ajo tani ka luajtur në dy drama prestigjioze dhe fitoi vlerësime, por jo Oscar, për të dyja. Ndërkohë, "Joker" origjinal mori 11 nominime dhe dy fitore, duke përfshirë statujën e aktorit më të mirë në rolin kryesor për Joaquin Phoenix.