Lagështia në shtëpi mund të ndikojë në përhapjen e COVID-19

Kushtet e brendshme jashtë atij diapazoni shoqërohen me rezultate më të këqija të COVID-19, sipas raportit. "Ekziston potencialisht një efekt mbrojtës i kësaj lagështie relative të ndërmjetme të brendshme", tha autori kryesor Connor Verheyen, një student i doktoraturës në Programin Harvard-MIT në Shkenca dhe Teknologji Shëndetësore, në Kembrixh. Deri më tani, studiuesit kanë konsideruar se COVID-19 mund të ndikohej nga stinët, por ata prireshin të shqyrtonin modelet e virusit në kontekstin e kushteve të motit në natyrë. Kushtet e brendshme janë  vendi ku ndodh më shumë transmetimi viral. Si rezultat, ata zbuluan se lagështia relative në ambiente të brendshme priret të bjerë nën 40% gjatë periudhave më të ftohta, dhe se rastet dhe vdekjet e COVID-19 gjithashtu rriteshin në ato momente. Ekipi gjeti gjithashtu një rritje graduale të lagështisë së brendshme gjatë sezonit veror të vendeve tropikale të reflektuar në një rritje graduale të vdekjeve nga COVID-19 pasi lagështia kaloi 60%. Rastet dhe vdekjet e COVID-19 prireshin të rriteshin kur lagështia mesatare e vlerësuar e ambienteve të brendshme të një rajoni ishte më e ulët se 40% ose më e lartë se 60%, pavarësisht nga koha e vitit. "Ne ishim shumë skeptikë fillimisht, veçanërisht pasi të dhënat e COVID-19 mund të jenë të zhurmshme dhe të paqëndrueshme", tha bashkëstudiuesja Lydia Bourouiba, drejtore e Laboratorit "MIT Fluid Dynamics of Disease Transmission". Bourouiba tha se ekipi përdori një sërë qasjesh për të testuar gjetjet, duke përfshirë marrjen parasysh të faktorëve të tillë si ndërhyrja e qeverisë. Studiuesit nuk janë të sigurt pse lagështia e brendshme mund të ketë një ndikim të tillë mbi virulencën e COVID-19, por studimet pasuese kanë sugjeruar që mikrobet mund të mbijetojnë më gjatë në pikat e frymëmarrjes në kushte shumë të thata ose shumë të lagështa.