Lajm i mirë për gratë që u vaksinuan për Covid 19, sa ishin shtatzënë

Gratë që morën COVID-19 ose u vaksinuan gjatë shtatzënisë nuk kanë një rrezik më të lartë për të pasur fëmijë me probleme zhvillimi, sipas një studimi të ri të nga Skocia. Hulumtimet e mëparshme në Zvicër dhe Shtetet e Bashkuara ofruan njëfarë sigurie, por studimi i ri, i botuar në revistën “The Lancet Child and Adolescent Health” të mërkurën, është analiza më e madhe deri më tani për të konfirmuar sigurinë e vaksinës për gratë shtatzëna dhe foshnjat e tyre. Studimi përfshiu gati 25,000 foshnja të lindura në Skoci në 2020 dhe 2021, transmeton Klankosova.tv Punonjësit shëndetësorë vizituan shtëpitë e familjeve për kontrolle rutinë kur foshnjat ishin 13 deri në 15 muajshe, duke monitoruar çdo shqetësim me të folurin, aftësitë gjuhësore, të menduarit, zhvillimin emocional dhe lëvizjen fizike. Autorët e studimit vunë në dukje se shqetësimet zhvillimore nuk vihen re gjithmonë derisa fëmijët të rriten. Ata thanë se planifikojnë të ndjekin të njëjtat familje në vitet e ardhshme për të gjurmuar nëse shfaqet një lidhje.